الكاتب: wanna

ياأصحابي رح نبدا اول شي بالمستلزمات :

‏- مكبس حراري
‏- جهاز قص
‏- طابعة
‏- ورق
‏-فينيل
‏- قماش

المكبس الحراري:
‏جهاز يصدر حراره عاليه جدا قابلة لضبطها وضبط الوقت ايضا بالثواني

‏الهدف منه إذابة الصمغ او الحبر بحيث تنتقل من الورق الى القماش
‏وعلى هذا المبدا؟ الحراره قادره ايضا على إزالة الطباعة ( انتبهوا 🚫)

للمكابس أنواع عديده منها متعدده القطع او قطعه واحده
‏وأسعارها مختلفه حسب الشركة المصنعه وعدد القطع , تتراوح بين ١٠٠٠ ريال الى ٣٠٠٠ ريال
‏ اشهر شركتين هم :
‏- شركة صينيه ماعرف اسمها ( هي الي استخدمها)
‏- cricut

جهاز القص :
‏جهاز يتم ربطة بالجوال او اللابتوب او اي جهاز مشابه وترسل عن طريقة اوامر قص بشكل معين وعلى هذا الاساس يبدا الجهاز بقص الورق او الفينيل او الجلد الخشب الخ ( حسب مكينتك )

‏أشهر ماركتين :
‏- cricut
‏-cameo ( حقتي )

الطابعة :
‏- حبر
‏-ليزر
‏ إختيارك لنوع الطابعه رح يحدد لك نوعيه الحبر والورق الي لازم تشتريها
‏بعد ماتحدد هالشي رح تقدر تحدد طباعتك (سبلمشن ) ( ترانسفير )
‏
‏شخصياً استخدم طابعه حبر من HP وطباعتي (ترانسفير )

الورق :
‏طبعا زي ماذكرت سابقا نوعيه حبرك وطابعتك تحدد لك نوعيه ورقك ولكن باتكلم بشكل مختصر عن الي استخدمه

‏استخدم ورق عادي مخصص للملابس ينقسم لنوعين:
‏- للغوامق
‏- للفواتح

ايش الفرق بينهم؟
‏المخصص للفواتح لايحتوي على حبر ابيض وبناء على ذلك لو استهبلت وطبعت فيه على غوامق اي شي ابيض بيصير غامق وتخرب طباعتك

‏ايضا طريقة استخدامه مختلفه شوي عن المخصص للغوامق وبصراحه ماتعجبني نتائجه ولا جودته واشوفه مخاطره عاليه دايم

ولهالسبب تماما استخدم دائما المخصص للغوامق في الغوامق والفواتح

‏- نتيجه اجمل
‏- ثبات اعلى
‏- اسهل في العمل

‏العيب الوحيد اسعارها عاليه شوي اقل شي حصلته الورقه الوحده بـ 6 ريال ، لكن تستحق 💕

الفينيل :
‏ هو بالضبط الي كنا نجلد فيه كتبنا ونزخرف فيه الفصول وقت مسابقه اجمل فصل
‏لكن ؛ هذا مخصص للاقمشه ويثبت بالحراره

‏في منه انواع كثير لكن اهم معلومه ممكن انقذ فيها اعصابكم حاليا؟
‏- ينزع بارد
‏- ينزع حار
‏^ صدقوني رغم انها تعدادات غير مفهومه حاليا لكم لكن بتشكروني عليها

القماش :
‏ممكن يكون تيشيرت ، هودي ، جاكيت ، شنطه ، قماش عادي

‏مو مهم ، المهم نسبه القطن والبوليستر فيه
‏كل مازادت نسبه البوليستر كل مازاد ثبات الطباعه فيه

وفالنهايه حابه اقول لكم مليون اسف لكم ، سويت ثريد متكامل تماما ولكن تويتر الـ*** حذفه ورجعت اكتب وانا حزينه لهالسبب متاكده انه ناقص كثير
‏لكن قبل انهيه ابي اقول كم شغله 💘

• الثريد كله اساسيات فقط والتفصيل ممكن افصل لكم كل عنوان بنفسه لو تبون

‏- المكبس الحراري ممكن استبداله بكوايه الملابس لاي شخص وده يجرب مره وحده فقط مو مشروع

‏- جهاز القص غير اساسي خصوصا لو كانت الصور سهله القص يدويا

‏- رح انزل مقطع مبسط لشرح العملي 🫡

الوسائط للالوان الزيتيه ٣ انواع :

١- مذيبات “زيوت”

٢- مثبتات

٣- منظفات

---

المذيبات

١- Refined linseed oil slows draying

هذا يبطى الجفاف ويزيد من تشبع اللون

٢- huile de lin clarified clarified linseed oil

٣- liquin original

هذا زي الجل بس هو زيت

ويعطي لمعه فوق الرسمه مو مات

ويسرع الجفاف تقريبا بسرعه ٦٠٪؜

٤- drying linseed oil

هذا يسرغ الجفاف ١٠٠٪؜

مايعطي لمعه وفيه عيب يحط لون اصفر خفيف باللوحه

---

الزيت يخلط مع اللون عشان يزيد كثافته وتشبعه

السانسدور والتربنتين يخففه واقدر انظف فيه الفرش ريحته خفيفه

• 

• 

---

المثبتات (الورنيش)

ماده تنحط بعد ماتخلص اللوحه بثلاث اسابيع او اكثر عشان تحافظ عليها وتحميها

artists gloss varnish

هذا يعطي لمعه فوق اللوحه

artists matt varnish

بدون لمعه يخليها مطفيه جدا

٣- البخاخ مايعطي لمعه ولا اطفاء نفس اللوحه بس يحميها وهو خيار سيء ويبقع باللوح

---

المنظفات

تنقسم لـ ٤ اقسام

١- منظفات مخصصه للفرش

٢- منظفات مخصصه لليدين

٣- مذيبات بس ينفع ننظف فيها

٤- بدائل

هذا افضل منظف فرش لانه من مواد طبيعيه وريحته خفيفه (عادي ينحط بيدك)

هذا ريحته قويه شوي بس اخف من التينر (ينحط في كوب وقت التنظيف )

هذا للفرش والاسطح والاقمشه وكل شي ، هذا يترك بياض قوي شوي وريحته قويه بس اخف من التنر

هذا مذيب بس عادي انظف فيه وريحته قويه مره

هذا مذيب بعد وعادي انظف فيه وريحته اخف من التربنتين

هذا من افضل الاشياء وهو بديل طبعا ، يصلح للبشره واليدين والفرش على طول مو القديمه

مناديل مهم وجودها شوي ، نقدر ننظف فيها بشكل سريع وقت مانرسم او شي مؤقت لين نروق

‏لكثره الطلبات على شرح برنامج procreate ، رح اشرح الي اعرفه سواء استخدمه او لا ولكم حريه الاستعمال ♥️ “هذا شعاره بالجوال او الايباد”

• 

• 

‏بنبدا باول شي :
‏١-القلم : تكون فيه فرش كثير اساسيه او خارجيه تحملها ونرسم فيها
‏٢-الاصبع : تكون فيه نفس فرش القلم ولكن تستخدم لتحريك اللون الي حطيناه قبل “غالبا تستخدم لدمج”
‏٣-الممحاه ؛ فيها نفس فرش القلم ولكن على اسمها ممحاه 😂 نمسح فيها

‏ملاحظه : فرش المسح والدمج والرسم كلها لها نفس طريقه تغيير الحجم او الشفافيه او التغيير ، وكلهم لهم نفس الفرش

‏خلصنا من الشرح الاولي لاول٣ اشياء ونجي لرقم ٤ الي هي الطبقات ، كل مازاد عدد بكسل الكانفس حقك رح تقل عدد طبقاتك وتزيد الجوده عندك لكن رح تكون محدود
‏- برضوا الطبقات فيها ميزات كثير واعدادات رح اوضحها هنا قبل انتقل لباقي الامور

‏شايفين حرف N جنب الصح يمين ؟ المسوه لمسه وحده وتطلع لكم هذي الفلاتر لطبقه ، وهنا مريت عليها وحده وحده لتوضيح لكن شخصياً مااستخدمها جربوها بنفسكم افضل 🧡

‏١-مرجعيه : ✖️
‏٢-عكس: يعكس الالوان😂
‏٣-قناع: ✖️
‏٤-قفل ألفا : اذا شغلته وانت راسم قبل شي وجيت ترسم ماتقدر ترسم الا فوق الي رسمته قبل حلو اذا تبي تلون شي وماتبي تطلع برا الحدود (واضح بالفيديو وبوضحه اكثر بعدين)
‏٥- مسح التحديدات : يمسح الي رسمته كله في الطبقه هذي

‏٦- تعبئة الطبقه : يلون الطبقه كلها باللون الي انت مختاره قبل
‏٧- نسخ : ينسخ لك كل الطبقه
‏٨- تحديد : تقدر تحددها بعدين بتطلع لك خيارات اكثر بس ماااستخدمها شخصيا
‏٩- اعاده تسميه : تسمح لك تغير اسم الطبقه لو تبي تسميهم مثلا(١-٢-٣، شعر-بشره-ملابس)

أول شي لازم تعرفون ايش هي اللوان الاكريلك؟ اللوان الاكريلك هي اللوان سريعه الجفاف وهالشي يمنع الفنان من انه يطول بالرسم واضافه اللمسات بهدوء لكن جميله للاشخاص الي يحبون السرعه ويكرهون الانتظارايضا غير انها تتميز بسرعة الجفاف فهي تظل ثابتة للتغيرات المناخية وتقاوم الاصفرار والاكسدة والتحلل وتقاوم الغسيل بالماء

طيب وين ممكن استخدمها ؟ ولايش؟ ١- اللواح خشبيه ٢- ملابس ٣- كانفس ٤- معادن ٥- جدران والكثير من السطوح *ملاحظه : يجب تنعيم الاسطح قبل الرسم به او وضع اساس مثل الجيسو او طبقه خفيفه من الاكريلك والرسم فوقه

طيب ايش الفرق بين الاكريلك والقواش والبلاستك؟ بما ان كلهم اللوان “معتمه”؟ البلاستك : جودتها اقل وتكون باهته يوم تجف القواش : بعد ماينشف يبدا يتشقق ومايكون ناعم الاكريلك : تغطيته قويه ويدوم وقت طويل بدون اي تغيرات زي ماذكرت سابقاً

تعرفنا عليه بشكل عام؟ طيب نشوف كيف ممكن نستخدمه الان

الاكريلك له اساس مائي ، اذاً؟ نتحكم بشفافيته عن طريق اضافه الماء والصوره هنا توضح لكم بدون ماء وبماء خفيف واكثر واكثر وكل ماازدنا الماء زادت الشفافيه

طيب في شي اسمه تكنيك للفرشاه وكيف رح تبين نتيجه اللون ع الورق وش يعني؟ هذا تعلموه انتوا لان لسى اتعلمه ولكن بعطيكم مثال هنا كلها مديت اللون بشكل مستقيم بنفس الكثافه بس الشكل تغير ليه؟ لان اليسار حطيت اساس على الورق مويه خفيفه واليمين لا وهنا سبب الاختلاف

كيف ممكن ادمج؟ رح اضيف اللون الغامق فالافتح للافتح … ، شوي شوي وبهداوه ادخلهم ببعض مثال :

طيب ايش افضل نوع اشتريه؟ صراحه مادري ولكن هذا اشوفه متداول وبكثررررره بين الرسامين بـ ١٤ ريال ولكن ماااستخدمته ابدا

انا شخصياً استخدم ( Leeno , creall , Winner) وهي ماركات رخيصه نوعاً ما لكن جودتها مره حلوه ومتوفره في اي محل كماليات او مكتبه تتراوح اسعارها من ٦ ريال الى ٢٠ ريال حساب الحجم

• 

• 

• 

هل ضروري اشتري كل الالوان؟ لا طبعا يكفي تشترون الالوان الاساسيه ( احمر ، اصفر ، ازرق ) والابيض والاسود لتفتيح والتعتيم

طيب كيف نطلع كل الالوان وحنا معنا بس ٥ اللوان؟ بنزل لكم نظريه الالوان شرحها @Rodvanhex في حسابه افهموها منه ونهايه الثريد احب اقولكم اني مجرد هاويه لااكثر و ان اصبت فمن الله وان اخطئت فمن نفسي والشيطان وانما زكاه العلم نشره ..

اي استسفار كلموني خاص اتمنى اكون افدتكم